麥當勞

营业中

休息中

迷你兵团嚟咗麦当劳，仲有两款新包可以拣添，分别系"芝喳喳芥末鸡堡" 及 "傻蛋孖牛堡"，心思思谂紧食边个好。呢间麦当当好大，近门口位置有甜品部，方便单点甜品顾客，店内中央位置有麦咖啡店，及摆放多台自助点餐机，以供食客自助点餐，餐厅最入位置是取餐处，这儿也有尊人点餐服务。呢间店人流好旺，所以决定外卖返去慢慢叹。先用自助点餐机拣心水食物，要咗个傻蛋孖牛堡套餐，无配脆薯唛，因为听D三姑六婆讲，个薯唛胶胶地，好似食塑胶，安全起见配了粟米。餐饮方面，加$10升级转饮芒果冰雪，要有麦咖啡店嘅麦当奴先可以转饮芒果冰雪嫁，因为冰雪是麦咖啡店出品。点好食物，摆返张单就去取餐位置等候......要留意呀，芒果冰雪要去麦咖啡店取嫁。9秒9返去打开个餐，大热天时，啜下杯芒果冰雪两下，简直透心凉爽，糊状冰甜芒果汁配上果肉，好有夏天感觉，再加上用只有迷你士兵团样嘅杯，加晒分。粟米杯，粟米唔系大大粒，亦不是超甜粟，不过不失啦。傻堡用个好可爱嘅盒入住，打开个盒见到包面有迷你兵个样，又一加分位，个包好软熟，入面有两块汉堡、一只蛋再配上洋葱及酱汁，好味。