Ha Noi 越南菜

营业中

休息中

考你哋一个问题，尖沙咀、重庆、河内、越南，呢4个地方有咩关系？关系就系…喺尖沙咀重庆大厦嘅河内餐厅食越南菜！乜重庆大厦唔系食印度菜咩？重庆大厦地库经过翻新之后成为地下街咁，仲有唔少餐厅选择，今次就试吓呢间Ha Noi越南菜。越式炸春卷主菜可以添加小食，其中一个就叫咗越式炸春卷。越式炸春卷皮薄而且炸得非常香脆，馅料除咗猪肉之外，仲加人木耳、甘荀，粉丝等，口感相当丰富。越式猪颈肉另一款跟餐追加小食就叫咗越式猪颈肉，猪颈肉烧得香口，但保持到肉汁，外脆内嫩，好好味！极品牛三宝汤河粉食越南菜点会唔嗌Pho呢，呢个牛三宝分别有生牛肉、牛丸、金钱𦟌。生牛肉非常嫩滑，充满牛香味；牛丸够弹又juicy！至于重点当然系非常浓郁嘅牛骨汤底，差啲连个汤都差饮晒呀！香茅猪扒捞檬猪扒腌得非常入味，啖啖都有香茅味，够晒若果！至于捞檬嘅灵魂，当然系果樽甜甜醉酸嘅鱼露啦，够晒醒胃，非常开胃。杞子龙眼茶餐饮叫咗杯够晒滋润嘅杞子龙眼茶。呢杯杞子龙眼茶十分足料，轻轻一捞已经见到至少有十粒龙眼，啱晒我哋呢啲低头族，明目又暖身，大满足！