新廣南餐室

营业中

休息中

老婆话佢小时候外父常常带佢嚟新广南冰室，今日一于同佢去怀旧一下。入到去，装修真像我小时候在屋村的冰室，再看看伙记们，大部分都有番咁上下年纪，的而且确充满怀旧嘅味道。我叫了一个镇店之宝焗猪扒饭，但送嚟个样同佢喺墙上 poster 嘅样真系好有分别，至少冇咗几嚿红萝卜。 可能食惯连锁快餐店焗猪扒饭嘅关系，呢个无芝士，无乜蕃加嘅焗猪扒饭就显得相当之清淡。炒饭底好似白饭一样，猪扒亦偏硬咗少少。另外叫咗杯红豆冰，呢度嘅红豆冰系碗上嘅。 每粒红豆都好大粒，有咬口，而且花奶非常之多。我老婆欣赏呢度啲冰系碎冰，好似雪一样。赢出面9条街。埋单先发现呢度要收加一㗎，真系无嘢好讲....