影片
更多
2024-03-02
459 浏览
今日一个人自己早收工，即刻谂起石门沙田一间烧味店，记得疫情时我差唔多一个月都会嚟一次，佢嘅叉烧我真系觉得全香港最好食，每次同朋友讲起烧味店，我一定提议佢哋过嚟试一试。由于好耐冇食过，今日再过嚟买一个叉烧饭同埋一个烧鹅鹅头，返屋企自己饮杯啤酒食饭。返到屋企一打开盒叉烧饭我已经呆咗，究竟俾咗啲乜嘢？系肉酱定系梅了嘅叉烧？ 成盒饭好似打咗风咁乱七八糟。先唔讲味道，味道嘅嘢好个人，所以我净系讲卖相同埋肉质，叉烧食落去毫无质感，好似食紧肉泥，佢嘅肉质真系十级难食，唔知道系咪落咗好多肉松粉之类，有一半叉烧并不是齐整的，好似系将啲肉用刀背拍到烂咗，然后搽上叉烧酱，咁就当叉烧，如果叉烧有问题，唔明白点解斩叉烧个师傅，会拎出嚟卖，咁样真系害死佢。记得佢开业初头我真系来得好密，而且我都有系Openrice分享，希望如果老细见到留意一下。另外我都嗌咗一个烧鹅鹅头，唔知点解佢嘅切法同以前唔一样，佢呢个好似系卤水鹅嘅切法，但系因为烧鹅嘅关系，佢啲肉系比较干身，咁好难食。 另一方面佢嘅颜色亦都唔一致，怀疑系合成出嚟嘅。而且咁啱得咁跷我食头两件感觉有沙粒！究竟系运送途中唔小心跌咗落地下，定系其他问题就不得而知。总括
由于好耐冇食过，今日再过嚟买一个叉烧饭同埋一个烧鹅鹅头，返屋企自己饮杯啤酒食饭。
返到屋企一打开盒叉烧饭我已经呆咗，究竟俾咗啲乜嘢？系肉酱定系梅了嘅叉烧？ 成盒饭好似打咗风咁乱七八糟。
先唔讲味道，味道嘅嘢好个人，所以我净系讲卖相同埋肉质，叉烧食落去毫无质感，好似食紧肉泥，佢嘅肉质真系十级难食，唔知道系咪落咗好多肉松粉之类，有一半叉烧并不是齐整的，好似系将啲肉用刀背拍到烂咗，然后搽上叉烧酱，咁就当叉烧，如果叉烧有问题，唔明白点解斩叉烧个师傅，会拎出嚟卖，咁样真系害死佢。
记得佢开业初头我真系来得好密，而且我都有系Openrice分享，希望如果老细见到留意一下。
另外我都嗌咗一个烧鹅鹅头，唔知点解佢嘅切法同以前唔一样，佢呢个好似系卤水鹅嘅切法，但系因为烧鹅嘅关系，佢啲肉系比较干身，咁好难食。 另一方面佢嘅颜色亦都唔一致，怀疑系合成出嚟嘅。而且咁啱得咁跷我食头两件感觉有沙粒！究竟系运送途中唔小心跌咗落地下，定系其他问题就不得而知。
总括而言，如果呢个叉烧质素，我系以后唔会再帮衬。
梅到七彩嘅叉烧饭
$50
50 浏览
0 赞好
0 留言
张贴
