稻香 (建生商場) (已結業)

稻香根据以往，每隔一阵子都会推出一蚊鸡优惠，系会有两位食客以上就可以享用一蚊一只鸡既优惠。以往一直都有见过呢个优惠，但都未有机会去真正尝试稻香嘅一蚊鸡，今日同屋企人系谂唔到食乜嘅情况下，便觉得试吓一蚊鸡都未尝唔系一个好嘅选择。当然我哋预早用手机app揿咗等候飞，如果唔系真系等到颈都长都未有得食，所以我一家三口到左酒楼门口等左一阵就有得入座。我地主要点左一蚊鸡，另外再加碟菠萝咕噜肉同埋菜。一蚊鸡都算系几有惊喜，比想像中做得好。鸡肉十分嫩滑，鸡皮都烧得脆口同带有光泽，性价比绝对系高，而伴碟既虾片都十分香脆可口；另外菠萝咕噜肉虽然是以正价点叫，但水准也很高。菜式质素水准绝对系中上，唯独可挑剔既系环境同服务方面，由于店内座位分布算系密集，食既途中都会十分嘈杂，不能令人静心咁慢慢食；而服务亦有改善的空间，都明白光顾的客人实在多，令店员们都显得十分焦急，点餐上菜的时间亦颇长。