好一鍋海鮮火鍋專門店 (已結業)

本来想食楼上果间大x口，我两个人，点知佢系张10人枱我坐，仲要果炉系枱中间，点打呀，明明有卡位都唔俾人坐，仲要态度好差。于是转场，试下好一锅。呢度虽然唔够人手，但起码态度好好多。虽然都系搭枱，但至少唔使企起身夹野。食物种类都算多，仲有海鲜添，有蚬同虾。肥牛质素都唔错，唔会太肥。饮品除汽水外，仲有竹庶茅根。5点食到7点半，2.5小时，好够时间食。另一间食到7点咋。假期前夕加$10，但7点半前埋单减$20，埋单$148加一。价钱同楼上果间一样，食物质素唔差，仲冇漏单情况添，点解要受人气㖞。