吉豚屋吉列豬扒專門店

营业中

休息中

是日同男朋友谂住食个便饭，于是佢又推介呢间喺佢做嘢地方留下嘅吉列猪扒专门店，因为又平又快又方便，所以都做咗佢半间canteen, 见佢成日讲到自己一个人食呢间嘢咁惨，就同佢试下啦。成日觉得间餐厅专门做乜就应该食乜，既然系吉列豚专门店，就当然食吉列猪啦，于是就拣咗厨师推介嘅滑蛋三重奏饭便当，有炸虾、吉列猪柳同黄金豚肉饼。男朋友就食吉列猪柳泡菜汤乌冬锅便当。个滑蛋三重奏饭嚟到个滑蛋系好少，基本上净系覆盖到半只虾，而且已经吸哂啲蛋汁，完全冇fluid，同餐牌幅图好大对比!完全货不对办!但食落去猪柳都算系滑，炸虾都正正常常，个黄金豚肉饼就系炸免治猪肉饼，调味都唔错。碗饭虽然其貌不扬，但食落都唔错，以$69呢个价钱喺旺角中心地带食都算值嘅，连锁餐厅嘅水准。男朋友个泡菜汤我试咗一啖，都冇乜特别，自己本身唔食泡菜，见对面一对韩国情侣(个韩妹好靓女，令我整个dining experience加分)都嚟食泡菜锅，咁个泡菜quality相信应该都ok嘅。整体黎讲，连锁快餐质素，价钱平，速度快，味道都OK, 都适合自己一个嚟食。