熨烤達人 (已結業)

约了男友到旺角行街，顺便试下新开的韩国烤肉，因为见佢好搞笑用熨板压著肉黎烧，男友又劲爱烤肉，所以就黎试下。入到店内，有少少吓亲因为成地都系水，好似街市地下咁。不过，其他陈设、装修都好似韩国烤肉店。佢真系用熨斗压肉烧紫菜卷-饭有点硬，味道尚可。叫左极尚牛舌条、厚切五花腩、无骨鸡翼同霜降雪花牛。所有肉都无腌过，单纯靠沾酱汁才有味。而且无骨鸡翼说是无骨，但只是一只鸡翼剪开变两条骨，其实应该叫单骨鸡翼吧～我地再叫多个泡沫咖啡烤鸡，味道几好味，咖啡、忌廉同紫薯蓉，但炸鸡唔热，扣左少少分。我地叫左个Lychee Cider，味道几好饮～