彩福皇宴 (置富都會)

营业中

休息中

彩福皇宴虽然都系一个连锁集团，但系品牌名气稍有不及，若不是今日与亲戚系红磡站附近饮茶，亦唔会知道原来有间甘抵食又好食既酒家。呢张纸共有八款夺得旅发局美食之最点心大奖既点心，店员亦主力推介呢张纸，同埋都真系好多人都会拣。貌似「蚊香蛙」既旋风黄金流沙包先声夺人，卖相已令人有无限暇想。内里全部均能造出极沙既流沙质感，全因为咸蛋份量够，奶黄起晒沙，劲香劲好食。呢个系芝士海皇千丝春卷，亦系另一款得奖既大热点心，用萝卜造出千丝既香、酥、脆效果，以代替普通春卷皮，再加埋虾同芝士，新派之余，亦够惹味好食。另有港式虾米猪肠粉呢款得奖点心，肠粉包住虾米及葱花，再有港式风味极浓厚既甜、辣、花生三酱，怀旧感觉出晒黎。特别的是，肠粉皮好滑，以及够薄！新式及得奖点心做得非常好，但连普通菜式也处理得唔错。例如榄菜肉松脆米炒饭都炒得几好，米饭粒粒分明，炒出火候，榄菜同肉松拎黎炒饭本来就好香口，够惹味。店方亦加左啲脆米增强口感，食落每口都有啲卜卜脆既口感。烧卖卖相都几好，平时另一半唔夹烧卖都话几靓几新鲜想试下。虾肉够大粒，厚肉弹牙，猪肉亦够滑，最紧要系皮薄滑身唔会痴牙。