紅茶冰室

营业中

休息中

晚上930前入座，男侍应话1000 close (OR 登系1100 close)，所以930最后落单。我地话ok。点知连餐牌都未睇，已经有个女侍应行埋嚟，系咁笃枝笔，同我地讲快啲落单，即刻落单。老人家话食晚餐，女侍应话净得烧汁，老人家听吾清楚再问多句，呢位侍应即黑面兼不耐烦再答。跟住再笃笔再讲: 快啲，要截单，系咁架喇其实已想拍枱走，不过因有老人家有细路费事同佢嘈。结果让步餐牌都吾睇，全部叫晚餐。转头嚟左餐包，又有个收银埋黎摧理单，好冇礼貌咁抛张单喺枱，话要埋单，转头就走左去。过左一阵返黎用好冇礼貌既语气话要埋单㖞，即刻埋，个个都系咁架啦。反到收银柜仲要手指指我哋张枱，老人家突然起身出去闹佢，即时吓亲，未见过老人家咁劳气。男侍应调停话对吾住，呢餐吾收钱。咁既情况，吾收钱都吾食啦。都怪我吾睇清楚其他食客留言，原来呢间野服务态度差出哂名。真系失觉哂! 茶餐厅选择咁多，奉劝大家吾想受气就咪试。