影片
更多
2023-05-07
786 浏览
（10分为满分：🌕）味道：🌕🌕🌕🌕🌕🌕🌕🌕🌑🌑三文鱼寿司($22)三文鱼腩寿司($26)飞鱼子军舰($26)珍宝带子寿司($28/1只)珍宝赤海虾寿司($30/1只)因为岩岩去左旅行一段时间，太耐冇食过寿司，又唔想排好耐队等寿司郎，所以就豪一豪佢😂😂呢到既三文鱼腩寿司系推介既，完全系入口即溶化既感觉，油脂味极重，同埋同三文鱼只差4蚊，点都系叫佢抵啲😎😎飞鱼子就真系冇咩特别😂😂😂😂珍宝带子同珍宝赤海虾都好新鲜大只，系略嫌真系贵左啲啲🥲🥲同埋佢军舰款式比较少，我地最爱既芥辣八爪鱼系冇既🥹🥹牛油果软壳蟹卷($92)呢个又系今晚其中一个想encore既一碟，不过因为太多旧，再叫真系食唔晒😅😂叫都系好明显因为佢有牛油果3只字😂😂但佢既牛油果份量都唔少，你食入口系牛油果溶化系口既感觉😎然后软壳蟹劲脆口，同牛油果既软滑好夹😍😍千両海鲜炖蛋($32)人大了食寿司唔可以净食生冷野，好似去食寿司郎食点面要叫个茶碗蒸，黎到千両面要😎价钱都差一截，但其实我觉得同寿司郎既唔相差太多😂😂如果整走上面条菜会好啲😂😂最唔钟意食绿色既野🤪串烧厚切牛舌($45)见佢写明厚切就叫黎试下，上枱见到一旧大一旧细会觉得好似差少少
（10分为满分：🌕）
味道：🌕🌕🌕🌕🌕🌕🌕🌕🌑🌑
三文鱼寿司($22)
三文鱼腩寿司($26)
飞鱼子军舰($26)
珍宝带子寿司($28/1只)
珍宝赤海虾寿司($30/1只)
因为岩岩去左旅行一段时间，太耐冇食过寿司，又唔想排好耐队等寿司郎，所以就豪一豪佢😂😂呢到既三文鱼腩寿司系推介既，完全系入口即溶化既感觉，油脂味极重，同埋同三文鱼只差4蚊，点都系叫佢抵啲😎😎飞鱼子就真系冇咩特别😂😂😂😂珍宝带子同珍宝赤海虾都好新鲜大只，系略嫌真系贵左啲啲🥲🥲同埋佢军舰款式比较少，我地最爱既芥辣八爪鱼系冇既🥹🥹
牛油果软壳蟹卷($92)
呢个又系今晚其中一个想encore既一碟，不过因为太多旧，再叫真系食唔晒😅😂叫都系好明显因为佢有牛油果3只字😂😂但佢既牛油果份量都唔少，你食入口系牛油果溶化系口既感觉😎然后软壳蟹劲脆口，同牛油果既软滑好夹😍😍
千両海鲜炖蛋($32)
人大了食寿司唔可以净食生冷野，好似去食寿司郎食点面要叫个茶碗蒸，黎到千両面要😎价钱都差一截，但其实我觉得同寿司郎既唔相差太多😂😂如果整走上面条菜会好啲😂😂最唔钟意食绿色既野🤪
串烧厚切牛舌($45)
见佢写明厚切就叫黎试下，上枱见到一旧大一旧细会觉得好似差少少咁😂😂不过食落系几唔错既。有想encore既念头，厚得黎系唔会好难咬😋😋
佐贺县有明蚝($52)
平时其实好少系香港食野走去食蚝，但见佢个蚝既menu整得咁精美，就每人叫左一只试下😂😂虽然佢写左5款，但当日其实只系得有明蚝，不过见佢咁多样面算最高分就试下🤣🤣咁食落面真系唔错，肉质肥美，重海水味😎😎
杂锦天妇罗冰见乌冬($62)
呢个对我地黎讲好坏参半，好系个蕃薯天妇罗好甜，同埋仲食到一丝丝的蕃薯🍠好在有2旧，每人食到1旧🤣🤣但系个乌冬，我地一致认为成个质地好似上海面/幼面咁，完全唔似食紧乌冬，一黎太幼，二黎太淋🥲🥲
价钱：🌕🌕🌕🌕🌕🌕🌗🌑🌑🌑
老实讲千両一定系比其他日本餐厅稍贵一啲🙈但其实我地发现观塘其他啲食寿司既小店，有几间都系$19 一旧三文鱼寿司😂千両三文鱼黎讲就平啲，其他可能就贵啲啲，不过就质素有保证啲😝然后会员黎计$20=1分，1分下次再黎食又可以当$1咁用，就会形成一个循环😂😂😂
交通：🌕🌕🌕🌕🌕🌕🌕🌕🌑🌑
观塘APM冇人会唔识喇，其实观塘好多好野食，个时我地最后拣左APM都系热得济懒得行出去，同埋有泊车优惠，因为新鸿基呢排系其他商场用积分换泊车好多都只限1个钟，我地以为APM都系，点知食完先发现佢仲系可以3000分换3个钟，仲要星期六日都得，简直抵到烂🥹🥹
环境：🌕🌕🌕🌕🌕🌕🌕🌑🌑🌑
呢间千両入面系啲灯光系暗到一个点🙈加埋个黑色彷云石枱面，影啲相出黎啲色都好肉酸😂😂😂但位置就阔落，坐得舒服，星期六7点左右食都未系好多人排队，服务都算唔错，落完单都唔使等好耐就有得食😝
性价比：🌕🌕🌕🌕🌕🌕🌕🌑🌑🌑
香港人最爱食日本野，周围都系成行成市既日本餐厅，比千両抵食好食既有好多选择，不过以连锁店黎讲，佢既质素算系唔错，可能有啲单品价钱比较高，但都有好多熟食/寿司set可以叫，排队又唔算长，又可以用积分🤣🤣🤣
千両 (apm) (观塘)
观塘观塘道418号创纪之城五期(apm)大堂高层UC-41&43号舖
张贴
