翠華餐廳 (已結業)

行行下，肚饿唔知食咩好，见到翠华，好似好耐冇食，所以谂住试下，反正连锁得都唔会差好远挂我心谂。入到去，望住个餐牌，都唔知食咩好，见到推介既鹿儿岛猪软骨米线，就试下算。鹿儿岛猪软骨米线，望到相既朋友都应该见到，啲油多到呢...厚到呢...唉。但系鹿儿岛猪软骨我觉得几得意，唔知系小弟唔识野定系点，佢既软骨位系有点似好软好淋既牛根咁，冇左软骨位既小小爽口感，相对地肉位有点ＵＮ的感觉，米线几好食，软熟好滑。唔怕油既朋友，汤都几好饮既.....紫菜墨鱼丸米线，墨鱼丸细细粒，又墨鱼鱼味，鱼片爽口，唔可以话好好食，但系正正常常。有时候我真系会自我反省下，系唔系因为自己冇美色的关系定我自己态度有问题？有时遇到既服务员真系态度好差，餐牌上明明写住「紫菜墨鱼丸米线」，个服务员死都话冇紫菜，我问左佢三次，都话Ｅ个系唔跟紫菜，我就唔明，唔跟又打紫菜出黎？冇左又贴张野上去？仲要好不满咁既样望住我地。算，紫菜豪比你，之后过左一阵，佢走过黎：原来有紫菜，加番比你。　之后走左.....有必要这样吗?