炑八韓烤 (偉華中心) (已結業)

呢间韩烧大大话话都食左好几年，食物同价钱质素不嬲都有保证，今次因为方便亲戚，所以拣左沙田呢间分店，我都系第一次黎。但因工作关系迟到了，亲戚们已晚膳中。不嬲假期前后大部份餐厅都有时间限制，确认预约时侍应都说，因应入座率情况而定，最多1. 5hrs。当日约8成入座率，过左时限，佢冇赶之余，仲服务非常好。食开都知芝士粟米及泡菜蛋都系免费，通常要叫先帮你加，侍应们一见食完，便主动上前查问需要添加与否，我只坐低约20mins, 更主动要求提出更换烧烤板2次，那刻我食住骨-笑了。。。侍应问我为何这么好笑，我说：好耐未去过一间餐厅系有咁嘅服务，唔赶你走，仲咁好服务，佢话：希望大家黎食野都系开心。好耐未试过喺香港食饭有呢个感受，食物当然重要，但能够可以享受每一餐唔系必然，所以真心推介呢间分店。