翠豐冰廳

营业中

休息中

🐳每个星期日嘅午餐都要喺观塘附近揾食，而喺伟业街呢度新开左一间茶餐厅，今日就嚟呢度试下。🐳喺门口大大只字写住餐厅嘅名，所以一定唔会揾错或者去错餐厅。一入去，大部份嘅客人都系附近上班嘅建筑工人，装修工人或者地盘工人，所以餐厅比较多嘈杂声。但系啲侍应姨姨就好好人，一见到我攞外套出嚟着，即刻帮我教细啲个冷气，超级体贴。🐳至于食物方面，我哋叫咗一个是日午餐，仲叫咗一个较为西式嘅意粉。🐳是日午餐：蒜蓉牛扒拼蟹钳配饭💰62奉送老火靓汤和热饮☕️我觉得呢个餐都几抵，佢碟饭都唔细㗎 ！而且又有老火汤饮，老火汤非常之足料，够晒甜呀！牛扒虽然唔系好厚，但系都有薄薄地两块，味道都唔差㗎，另外仲有一个炸蟹钳。🐳橄榄油香蒜带子意粉💰72奉送餐汤或热饮，冻饮加💰3而家喺茶餐厅都可以食到西式嘅意粉，而且都好有水准，呢个带子意粉炒出嚟好香，唔系好油腻，带子都有五，六件，适合一啲唔系咁想叫中餐嘅朋友。