丼瀛 (已結業)

位于观塘工业区嘅海鲜丼饭店丼瀛自开业以来一直人气高企，除左因为价钱实惠之外，丼饭嘅刺身新鲜之余仲要爆多先系重点。佐敦新开呢间分店系庙街入面，今日收工因为约左细佬同表弟睇戏，所以趁机黎个三个人食好西，去呢间分店睇下有冇本店咁有水算。我地6点半已经到餐厅，当然我地仲要系晚市第一枱客，不过7点后就开始多人，而且仲有好多客人专程黎买丼饭外卖。餐厅唔大间，装修富有日式风格，同庙街附近嘅环境反差都几大。餐牌设计好简单，只有两页，一页是丼饭，其他食物饮品就系第二页，我地三个人点左一客丼瀛龙虾刺身爆丼同埋一客筑地寿司杯share食。丼瀛龙虾刺身爆丼 $268呢个海鲜丼超夸张，分两层，上层系龙虾刺身丼饭，下层系海胆汁沾乌冬，龙虾好大只而且劲多膏，龙虾肉混蟹籽，口感更爽脆。刺身足料，丼饭混入鱼子同糖心蛋食，非常惹味，下层的海胆蒟蒻沾面今日缺货转左乌冬，乌冬弹牙爽口，海胆汁入面混有海胆肉，味道浓郁，整个爆丼份量好多，一个人应该食唔哂。筑地寿司杯 $168呢个$168嘅寿司杯好抵食，总共有7款食物，当中我最钟意当然系海胆杯同吞拿鱼腩蓉杯啦，海胆入口鲜甜味浓，另外只鲍鱼都好软腍入味，三个人share都好满足。埋