影片
更多
2017-05-01
155 浏览
放工过开来长沙湾呢头揾个够朋友放狗，一路行一路讲，行行吓转过弯，在静静的街角见到一间装修得几stylish ，看似差点以为系coffee shop 的食店，细看之下，竟然系有车仔面同埋串烧食的，看来系宵夜的好去处㖞。反正未食饭，我叫咗碗车仔面食，一个可爱的男侍应（可能系负责人？ ）推介我试吓佢哋个腩汁，𩠌我就拣了牛腩同猪肠仲有娃娃菜。首先个牛腩真系淋到好似棉花糖咁！ 而且仲有几旧牛筋，都系煮到好淋，简直有入口即溶的感觉，腩汁十分之入味，唔好讲笑，系正过好多出面牛腩面家的质素。而且我觉得佢哋个腩汁好似系甜少少的类型，正合我意。可爱的男孩补充话佢哋个腩汁的而且确系认真制作的，选用多种香料经过长时间熬出来，所以先咁够味，真系别小看一碗车仔面的背后，原来可以有人为呢个汤底费尽心思！猪肠都系煮得好入味好淋的，淋得来猪肠本来的质地有少少烟韧，咀嚼间汤汁混着猪肠的油脂渗于口腔之中，呢种满足真系好难形容……对娃娃菜系情有独钟，相信喜爱娃娃菜的先会明白呢种感觉，在美味浓郁的汤汁之中浸沉着几棵清新的娃娃菜，娃娃菜同时吸收了相当的汤汁，叶身仍带着丰盈的娃娃菜肉，两者配搭着，又系一种新味道，好似讲得几夸张，但
放工过开来长沙湾呢头揾个够朋友放狗，一路行一路讲，行行吓转过弯，在静静的街角见到一间装修得几stylish ，看似差点以为系coffee shop 的食店，细看之下，竟然系有车仔面同埋串烧食的，看来系宵夜的好去处㖞。
反正未食饭，我叫咗碗车仔面食，一个可爱的男侍应（可能系负责人？ ）推介我试吓佢哋个腩汁，𩠌我就拣了牛腩同猪肠仲有娃娃菜。
首先个牛腩真系淋到好似棉花糖咁！ 而且仲有几旧牛筋，都系煮到好淋，简直有入口即溶的感觉，腩汁十分之入味，唔好讲笑，系正过好多出面牛腩面家的质素。而且我觉得佢哋个腩汁好似系甜少少的类型，正合我意。可爱的男孩补充话佢哋个腩汁的而且确系认真制作的，选用多种香料经过长时间熬出来，所以先咁够味，真系别小看一碗车仔面的背后，原来可以有人为呢个汤底费尽心思！
猪肠都系煮得好入味好淋的，淋得来猪肠本来的质地有少少烟韧，咀嚼间汤汁混着猪肠的油脂渗于口腔之中，呢种满足真系好难形容……对娃娃菜系情有独钟，相信喜爱娃娃菜的先会明白呢种感觉，在美味浓郁的汤汁之中浸沉着几棵清新的娃娃菜，娃娃菜同时吸收了相当的汤汁，叶身仍带着丰盈的娃娃菜肉，两者配搭着，又系一种新味道，好似讲得几夸张，但总之真系好好味。
在旁粒声唔出的呢一盅，唔好以为佢系一种平凡的辣椒油……其实佢系一种类似系XO酱的酱料，三郎自家制的，使用樱花虾自己炒，我落咗少少试吓，𠮶种惹味同虾香，真系冇得顶。我真心问佢有冇将呢种酱整独立包装一罐罐放喺铺头度卖，佢当我讲笑，其实我真系好想买一罐走……
最令人敬佩系「自家制」三个字！卖碗车仔面卖得几多钱？竟然咁大费周章同你又买呢样又买果样去又熬汤又整酱汁俾啲客食，三郎真系好过分，做烂市㖞。
意犹未尽，叫返个羊架食下啦，可能我张相影得唔够靓，但上碟时心谂，呢件羊架使唔使咁fancy !真系靓仔到拍得住食西餐𠮶啲。可爱侍应向我娓娓道出，佢哋系用咗香草同埋其他调味粉去烧（详细系咩调味粉我已经忘记了），而且选用了新疆羊因为羊臊味冇咁重香港人比较容易接受，我津津乐道地听着并且不忘点头以示认同，其实心里面，为到三郎对食物的执着感到哇然，我哋又看看价钱：＄30一件， ＄55有两件添，呢个性价比真系令人情何以堪。
同朋友食多阵，老公打电话过来话一阵来接我，见仲有时间就叫多个烧茄子，又要讲讲价钱，烧原条蒜蓉茄子大大条＄24 , 火候够，上面的蒜蓉密集地铺在茄子上面，当然十分够味！而呢个烧茄子令人感动之处，就系厨房在烧的时候，系会用多少少水份比例，以代替油份来烧（当然资料都系由可爱侍应提供），因为茄子系好吸油的，虽然烧出嚟可能冇咁香口，但令到食客可以食到比较健康的串烧，听到一间小本经营的小店，在客人决意食热气野之际，仍在背后多做一点多费一点心思，就系为咗食客的健康，果下真系有啲感动。老公来到之后，个茄子都仲未食得晒，不过呢个三郎之旅要结束了，好想快啲再同朋友来食消夜。
张贴
