Parkview (新都會廣場) (已結業)

时间尚早，入面只有几枱客，落单的店员态度冷漠。由于餐厅系与商场连接，冇乜冷气，觉得好热，仲有少少局促。先黎沙律同埋餐汤，餐汤系磨菇忌廉汤。沙律菜味道好生， 沙律醋份量少，唔够， 唯独 𠮶一粒无花果系比较甜。蘑菇汤有好多菇，味道几浓。烤美国安格斯西冷牛扒配自家制红酒磨菇酱要咗七成熟，牛扒的肉质都几软， 要靠酱汁先觉牛扒有味道，不过太多油。慢煮西班牙猪鞍配蜜糖芥末汁猪鞍好细件， 有少许雪味，又系要靠酱汁先觉得猪鞍有味道，又一次， 啲油多到好恐怖。香煎三文鱼柳配牛油果鲜橙莎莎三文鱼冇鱼味， 鱼的质地焗得都恰当， 牛油果配橙粒觉得几清新。冻柠茶，即使加咗糖水，完全无味。