永樂餃子店

营业中

休息中

系附近医院探完病好肚饿，但系上环既餐厅都好早关门。刚好发现一家自家风味饺子店 - 永乐饺子店，铺面感觉一般般，冇乜装修冇乜冷气亦都冇乜客人。始终附近可能系写字楼办公室返工的地点。胆粗粗入咗去坐低试吓，点知有意外惊喜。坐低左老板同我地讲主打系花胶淮山猪骨汤底，落重本制作嫁试一试啦! 餐厅有多款口味饺子选择，有芝士饺有羊肉饺有咖喱薯仔饺......睇落有啲西色口味，感觉上第一次食都系要试返传统口味会安全啲。最后决定经典风味鲜肉白菜饺，叫饺子唔跟面有八只饺，粒粒都好大粒，馅料够多足料，水饺皮厚薄适中。虽然话系花胶汤但其实系冇比花胶既，但汤底味道浓郁，饮得出没有味精，饮完不口渴。黎呢度食记得记得记得（重要嘅要讲三次）最紧要饮埋个汤，正到飞起！