泰式食

营业中

休息中

不时经过铜锣湾金百利广场，知道楼上有好多餐厅，但亲身去食都系第一次，朋友想食泰国菜，于是去左泰式食。餐厅好大间，一入到去就见到成架笃笃放左系度，即刻以为自己去左泰国。每张餐枱之间都有充足距离，唔会密密麻麻，除非你用大声公啦，唔系ge话同朋友倾计都唔惊比隔离枱听到，好适合又食又倾。小食、串烧、海鲜、粉面饭、特饮等泰国菜常见菜式都有，我同朋友做完运动又饿又攰，于是叫两碟粉面饭同生菜包，快手食完返归训觉，留返下次先慢慢饮埋野倾计。带子应该系刺身级，煎到半熟，一d都唔韧，如果表面再煎香少少就仲正。辣椒膏同饭炒埋一碟，但唔会湿，饭依然干身，粒粒分明，我同朋友都嗜辣，我地食左第一啖饭之后，异口同声都话够晒辣，正！牛肉厚薄适中，唔似落左松肉粉，食落无潺无渣，值得一赞ge系用左粗河粉，炒河用粗，汤河用幼，坊间好多餐厅不论炒定汤都一律用幼河，手势无咁好就会炒到断晒。腌肉碎用左一种好特别ge香草，同平时食开有分别，可惜我食唔出到底系咩香草。生菜新鲜爽口，肉碎份量多，唔会菜多过肉无野包咁尴尬。