Lex Coffee (已結業)

餐厅的装修有皇室优雅的感觉，好多小饰物摆设，座位配置都宽敞，坐得舒服。职员服务好好，好快就安排我哋入座，亦都好有礼貌咁介绍佢哋嘅menu，最后我哋两个人叫左几款食物一开始食用蟹肉蟹子芒果沙律，蔬菜新鲜，好开胃。之后就再食carbonara，流心蛋好出色好大只，我哋捞匀之后，整个味道感觉都好好，食落唔会太腻口。之后食咗10安士安格斯肉眼牛扒，7成熟，肉香鲜嫩，唔会韧，肥瘦啱啱好，厨师煎得火候都好好，唔会有煎㶶嘅部分，抵赞。最后叫咗杯洋甘菊柚子茶，几清香，帮助消滞。下次想试下叫3d打印的咖啡，因为系佢哋嘅招牌咖啡，可以彩色打印图画落杯咖啡度，绝对系打卡之选。整个晚餐食得好开心满足，因为环境,服务,食物胜过预期，下次会再嚟试其他食物。