影片
更多
2022-10-08
1106 浏览
去完M+睇展览睇到闭馆，见时间差不多晚饭，顺便系圆方拣下食咩，由火区溜冰场果边入黎，就见到呢间中菜。-由于唔知食咩好，随手拣左二人套餐。-入座前菜系琥珀合桃，又甜又脆口，不过好快腻。食到腻果阵，可以配下面头嘅奇异果干，清清口入面过重嘅甜味。-先上嘅系黑毛猪叉烧，欣赏佢蜜汁唔悭家。-之后有蟹粉小笼包，皮薄爆汁，但蟹粉味唔算突出。-跟住先出现返套餐嘅前菜，有花雕醉鸡、酒香鸭肝同蜂蜜紫薯鲜淮山，干冰冒住烟出现都几靓。鸡有淡酒香唔呛鼻，肉都嫩口；鸭肝就重酒味但可以癖内脏腥味；而紫薯鲜淮山甜甜地几开心，脆脆就有少许唔太夹。-再黎一个汤品，火瞳云吞鸡汤，汤几清甜，每样料嘅味道都好好，好夹，大推-然后主菜有干烧明虾球，呢个要请店员起菜。佢虾球大大碌啖啖肉，好爽口，上面沾满酱汁同切粒洋葱，唔食洋葱嘅我一早拨走晒。有话微辣但连我都食唔出，甜甜地唔会腻，配埋铺底嘅脆脆，今次就夹啦。-菜有金银蛋小波菜苗，同样要叫起。相比同为主菜嘅虾球同叉烧都偏干身，有个菜湿湿地都几balance。金银蛋味道足够，而小波菜苗真系连根一棵棵，我第一次见连根，因为我家煮都系会切根。记得咬开佢慢慢食，唔好一啖一棵啦！-食到咁饱，仲
-
由于唔知食咩好，随手拣左二人套餐。
-
入座前菜系琥珀合桃，又甜又脆口，不过好快腻。食到腻果阵，可以配下面头嘅奇异果干，清清口入面过重嘅甜味。
前菜
111 浏览
0 赞好
0 留言
-
先上嘅系黑毛猪叉烧，欣赏佢蜜汁唔悭家。
黑毛猪叉烧
73 浏览
0 赞好
0 留言
-
之后有蟹粉小笼包，皮薄爆汁，但蟹粉味唔算突出。
蟹粉小笼包
44 浏览
0 赞好
0 留言
-
跟住先出现返套餐嘅前菜，有花雕醉鸡、酒香鸭肝同蜂蜜紫薯鲜淮山，干冰冒住烟出现都几靓。鸡有淡酒香唔呛鼻，肉都嫩口；鸭肝就重酒味但可以癖内脏腥味；而紫薯鲜淮山甜甜地几开心，脆脆就有少许唔太夹。
花雕醉鸡、酒香鸭肝、蜂蜜紫薯鲜淮山
48 浏览
1 赞好
0 留言
-
再黎一个汤品，火瞳云吞鸡汤，汤几清甜，每样料嘅味道都好好，好夹，大推
火瞳云吞鸡汤
43 浏览
1 赞好
0 留言
-
然后主菜有干烧明虾球，呢个要请店员起菜。佢虾球大大碌啖啖肉，好爽口，上面沾满酱汁同切粒洋葱，唔食洋葱嘅我一早拨走晒。有话微辣但连我都食唔出，甜甜地唔会腻，配埋铺底嘅脆脆，今次就夹啦。
干烧明虾球
182 浏览
0 赞好
0 留言
-
菜有金银蛋小波菜苗，同样要叫起。相比同为主菜嘅虾球同叉烧都偏干身，有个菜湿湿地都几balance。金银蛋味道足够，而小波菜苗真系连根一棵棵，我第一次见连根，因为我家煮都系会切根。记得咬开佢慢慢食，唔好一啖一棵啦！
金银蛋小波菜苗
20 浏览
0 赞好
0 留言
-
食到咁饱，仲有个抹茶红豆布甸，唔好以为佢得面头，其实个容器都几深下，保证你饱住离开。讲返布甸，同样干冰冒烟座冻，好美观咁出场，味道上奶香比较突出，有微甜红豆中和返布甸嘅味道。
抹茶红豆布甸
18 浏览
0 赞好
0 留言
-
不得不赞扬餐厅服务态度十分好，由入门、上菜、品尝，直到离开都同样友善。上菜时不同职级嘅店员都懂得介绍菜名，等客人知道上紧咩菜式，过程中见到隔离枱都有唔少家人朋友聚餐，留意到大家同样得到好好嘅服务。
而菜式嘅卖相、味道、份量及价值都很好，坐得舒服，食得开心，系可以再覆桌嘅餐厅😆
张贴
