盛八日式燒肉放題店 (已結業)

呢餐饭系我一个由幼稚园就识到大既朋友请我既补祝生日饭，原本想选"牛角",但因为我有盛八既VIP卡，有9折，所以最后选择左呢间。因为今晚系平日，再加上我地上星期已经订台，所以都无需要等。平时如果我同老公两个人就会叫二人餐(VIP$518 for 2)，但呢个餐对我地两个女仔黎讲好似多左D，所以我地决定散叫。今晚我地食左：1) 牛勒骨-好味，juicy, 推介 2) 豚肉toro - 都好味，肥瘦适中 3) 大蘑菇 - 好味，烧蔬菜当中我个人最钟意呢款。平时都系老公烧，所以初头都唔知几时熟。第一旧朋友试味话似塑胶，即系未得。之后先知道原来要烧到个菇出水后，再烧多几分钟先OK 4）盛八沙律 - 新鲜，但似乎呢间餐厅大部分既沙律汁都捞左wasabi5) 蚬汤 - OK，如果再鲜甜更好6) 盛八泡饭 - OK，适合最后唔够饱填下个肚7）煎饼 - 餐牌有两款，唔系韩式个款。味道似蚝饼，但馅料变左做墨鱼/八爪鱼，同埋厚粉。我个人就唔多钟意。最后呢两道都太重淀粉质，太饱，最后有少量食唔晒。