影片
更多
2020-03-31
136 浏览
晏昼同朋友去开黄埔𠮶边，就食埋晚饭至返屋企啦。呢晚想食泰国菜，于是就去金坊，我以前喺呢边返工成日食，因为午餐好抵食👍🏻，但夜晚就第一次帮衬。一去到餐厅门口，店员先为我哋量体温，再安排我哋入座。由于政府新规例，餐厅安排食客要隔开坐，好彩餐厅够大，无难度😃。餐厅菜式选择超多，不能尽录，类别包括沙律、小食、烧烤、小菜、海鲜、烧鱼、咖哩、蔬菜、饭、面、甜品等等，数都数唔哂，基本上你谂到同谂唔到嘅都有😜。抵赞嘅系餐厅全日唔收加一，大时大节除外，不过留意返呢到收$3茶钱一个人。杂锦拼盘($112)，拼盘几时食都咁缤纷😋，因为乜都有啲，两个人都可以食多几款。拼盘份量超多，其中炸虾饼同炸鱼饼都各有4个半件(大大件)，春卷就有2条(可分4件)同埋2件香叶包鸡，其实四个人都够食！🐟炸鱼饼最有惊喜，本身有啲辣味再加香茅香，中间仲有啲豆角粒脆脆的；🦐炸虾饼亦都够弹牙。另外，香叶包鸡肉质唔会干，而春卷个馅都OK。咖哩炒软壳蟹($158)，哇估唔到呢碟又系咁大大碟🦀，傻㗎！呢到嘅咖哩香多过辣，小朋友都啱食，而且咖哩汁入面落咗好多蛋、青椒、红椒同洋葱，配白饭食一流。不过我哋今日叫咗面，下次先🙈。软壳蟹唔算炸得特别脆
晏昼同朋友去开黄埔𠮶边，就食埋晚饭至返屋企啦。呢晚想食泰国菜，于是就去金坊，我以前喺呢边返工成日食，因为午餐好抵食👍🏻，但夜晚就第一次帮衬。
一去到餐厅门口，店员先为我哋量体温，再安排我哋入座。由于政府新规例，餐厅安排食客要隔开坐，好彩餐厅够大，无难度😃。
11 浏览
0 赞好
0 留言
餐厅菜式选择超多，不能尽录，类别包括沙律、小食、烧烤、小菜、海鲜、烧鱼、咖哩、蔬菜、饭、面、甜品等等，数都数唔哂，基本上你谂到同谂唔到嘅都有😜。抵赞嘅系餐厅全日唔收加一，大时大节除外，不过留意返呢到收$3茶钱一个人。
杂锦拼盘
$112
8 浏览
0 赞好
0 留言
杂锦拼盘($112)，拼盘几时食都咁缤纷😋，因为乜都有啲，两个人都可以食多几款。拼盘份量超多，其中炸虾饼同炸鱼饼都各有4个半件(大大件)，春卷就有2条(可分4件)同埋2件香叶包鸡，其实四个人都够食！🐟炸鱼饼最有惊喜，本身有啲辣味再加香茅香，中间仲有啲豆角粒脆脆的；🦐炸虾饼亦都够弹牙。另外，香叶包鸡肉质唔会干，而春卷个馅都OK。
咖哩炒软壳蟹
$158
17 浏览
0 赞好
0 留言
咖哩炒软壳蟹($158)，哇估唔到呢碟又系咁大大碟🦀，傻㗎！呢到嘅咖哩香多过辣，小朋友都啱食，而且咖哩汁入面落咗好多蛋、青椒、红椒同洋葱，配白饭食一流。不过我哋今日叫咗面，下次先🙈。软壳蟹唔算炸得特别脆𠮶种，但胜在够大只，蟹肉多，连埋咖哩食好滋味🤤。
烧鸡翼(辣)
$20
7 浏览
0 赞好
0 留言
烧鸡翼(辣)($20/一只)，烧鸡翼我钟意食🐔～，哈哈。餐厅有好多烧烤出品，我哋就试咗烧鸡翼，系全翼嚟㗎。鸡翼系即刻烧出嚟，所以热辣辣，要摊阵先食得，而且烧得好靓，无㶶。我哋叫咗辣味🌶，所以味道变得好惹味，但又唔会太Over。
炒鲜虾金边粉
$88
12 浏览
0 赞好
0 留言
炒鲜虾金边粉($88)，我呢晚想食泰菜嘅主要原因系想食炒金边粉😂，唔知点解想食啲酸微微嘅嘢。炒金边粉亦同其他菜式一样，大大碟；但同午餐个Size一样，所以晏昼真系超抵食。味道还好吧，未算超级好食，但都系正宗嘅味道，个人认为味道酸啲更正。
龙眼冰
$33
12 浏览
0 赞好
0 留言
饮品方面，我哋要咗珍多冰($33)同龙眼冰($33)，两杯都系泰国特饮吧。🥥珍多冰个卖相令人好开心，因为𠮶啲啫喱条有成三只色，而味道亦几重椰香。至于🐲龙眼冰就非常出色，我本身惊系会甜到起痰𠮶种，点知反而系清清地、几润喉，另外仲有成十几粒龙眼。
椰汁西米糕
7 浏览
0 赞好
0 留言
我哋擦完一大餐，已经食到超饱饱，就跳到去讲服务方面啦。呢到嘅女店员大部份好似真系泰国人嚟，佢哋都好好礼貌😊。疑似事头婆仲好识做生意，系咁向客人宣传，叫人多啲帮衬，影下相Like下专页就送甜品畀客人。我哋话好饱喇，但佢都好热情咁请我哋一人食一件椰汁西米糕。好彩糕点细细件啱啱好，甜品个胃仲放得落。味道唔错，咸咸甜甜几特别，上层椰糕好香，下面就有啲西米同粟米粒。
总括嚟讲，呢间🇹🇭金坊泰国菜馆都算唔错，味道几好。虽然就咁睇食物定价唔平，普遍一碟都要$8x起跳，但份量真系比出面多三至五成。可能系咁嘅关系加上抗疾期间外卖自取八折，即使而家系少咗人堂食，但买外卖嘅人源源不绝👏🏻。
张贴
