新釗記茶餐廳 (已搬遷) 新店位置

葵涌区工作嘅饭堂，价钱中上，胜在选择多，一班同事去，一定揾到自己啱食嘅嘢。午餐下午茶选择好多，炒小菜，碟头饭，茶餐汤粉面，乜嘢都有。午餐， set咗每个月每一周有乜嘢选择，有饭有粉面有焗饭，有蒸饭，有中有西，所以每个人都会揾到自己想食嘅嘢，大家唔使迁就。炒野，水准一向都keep到，试过食公仔面，出前一丁，应该正正常常，有时候会失手淡而无味。唯一不满，座位相当逼夹，卡位又细又狭窄，但系又要两个成年人迫埋一齐，两个人基本上连筷子都拎唔起，膝头哥又同对面𠮶个茶客迫埋一齐，食得唔安落。肥佬老板一啲都唔宽容，懒理你系咪熟客，成日有位都唔俾你坐系都要你哋迫埋一齐。