好景海鮮飯店

营业中

休息中

一去到招呼已经好好，虽然我地一大群人好多要求，但系伙计仍然好亲切甘回答 好多食物太好味都忘记了影相！蒜蓉粉丝蒸扇贝！好大只呀！成只碟甘大！粒肉蒸完都有匙羹甘大！蕃茄薯仔鱼汤，鲜味特出，又一赢在材料的菜色。其实好景出色的地方不单是烹调技巧，还有选材。当大家在选急冻货，飞机货时，好景舍远取近，弃易取难，选用本地新鲜货，赢在起跑线就是如此！椒盐奇脆豆腐，外脆内软，说易做难的一样野，做得很出色，特别系长长的一条，更难控制。龙虾伊面好好味， 分量又大，我地一围十几个人都食唔完， 最正系椒盐濑尿虾，又香又脆，伙计仲好细心帮我地剪开，方便我地一件件直接上手解决。以后黎西贡一定会再黎帮衬！