發記甜品 (已結業)

虽然自己觉得发记嘅甜品相比起一啲好平嘅糖水铺嚟讲系比较贵，不过我都系几钟意佢地嘅榴莲出品嘅~~有榴莲飘香~榴莲酥皮卷~榴莲班戟~等等，今次真系一次过试晒！！好满足.. ~榴莲飘香：其实就系将杨枝甘露入面嘅芒果换成榴莲。个底系椰子唔系芒果，所以清香又唔会觉得腻。榴莲俾好多，一大旧！！ 西米煮得好软糯，西柚唔会好苦~~~ ~榴莲酥：满满嘅榴莲肉包系千层酥皮入边，一啖咬落去食到嘅成口榴莲，超级满足！！不过要趁热食，冻咗就无咁好食啦~~ ~榴莲班戟：味道一般，同其他地方嘅差唔多...中规中矩啦。 杨枝甘露料几足，而且入面嘅芒果好甜！！！