心夜來潮 (已易手) 新餐厅

是夜因为要同妈咪庆祝生日，本来打算去荃湾另一间食，但后来呀哥提议去依间，打去book左6点，因为迟左惊要坐出面无冷气同无大圆台。咁我地去到都仲早，只有一两台客，咁我地就叫野食喇。由于咁早食饭我地都唔敢叫太多住，叫左个石板烧茄子、牙签鸡、猪手（细）、海胆炒饭，卤味拼盘、蚬、猪油炒菜心。其实各样都真系唔错，不过可能因为我屋企人都系潮州人关系，由细到大平时都食开依d又无乜觉得好特别，由其个卤味拼盘妈妈话唔够入味一般。牙签鸡系特别既，由其小朋友最中意食。个蚬都唔错（我自己无食到）但入面既栗米吸晒d清汤既味好鲜甜，我地仲叫左白饭黎送，可以变汤饭。同埋份量超多！叫左细既都劲大煲！数埋有4/50只😱猪油炒菜心都好食，不过始终感觉太油都唔敢食太多唔健康。其实佢都唔算话真系做十分正宗既潮汕菜，因为有好多都唔系潮式野，感觉似fusion多d。不过整体都ok稳阵既。