紅蜻蜓 (已結業)

今晚放工番到大埔有d肚饿，见楼下留下间餐厅冇人等位，就入左去食。我就甘叫左个黑椒牛柳并鸭胸配意粉餐，餐有汤，餐包，主菜同一杯野饮。岩岩落左单冇耐，罗宋汤同包就到。罗宋汤个料都叫够，但味道有少少咸同埋辣。餐包挺热的，挺好的。之后个主菜都到，黑椒汁味道适中够浓，个牛柳食落都几谂，食落都够入味，冇话太重雪味。个烟鸭胸整个上，唔系先切开一条条，食法比较特别。个意粉系有加茄汁落去煮，而且分量几足够。个餐65块，算系甘。