莆田 (荷里活廣場)

营业中

休息中

之前同个朋友去完西贡玩之后，回程嘅时候就去钻石山食晚饭，坦白讲荷里活广场高质嘅餐厅就唔多，最后就选择咗呢间食福建菜嘅餐厅。最后同个朋友就拣咗一个二人餐，每人就会有一客鲍鱼，一只大闸蟹，一条淡水鱼，椒盐猪手，同埋两个人分享一个海鲜卤面，去到最后仲会有甜品。坦白讲，我就平时好少食福建菜，所以我就好难去比较，我觉得客鲍鱼同大闸蟹就还好，但系条淡水鱼就系基本上冇味，同埋超多骨，我谂骨呢个情况都应该系预期之内。本身就唔系太钟意食猪手，不过个套餐包埋咁就冇计，我觉得味道就OK嘅，不过就真系唔太健康。个海鲜卤面就好过预期，都几好食。最后两个人就大约$800埋单，我觉得系合理水平。