Lucky U

营业中

休息中

今日约咗朋友喺荃湾食饭，佢介绍呢间酒吧餐厅。坐低拣咗嘢食之后，我地出左去玩美式桌球，哈哈。店长介绍 weekday 套餐做 7折抵食，套餐$268有七折，折后连加一约 $200，沙律、主菜美国安格斯肉眼扒 / 法式香草煎焗羊架，同任何一杯酒精或非酒精类饮品😍饮品我地拣左 2 杯 mocktail，始终要揸车走，不宜喝真酒啊。我拣左 rose garden，真系有玫瑰花瓣喺入边，卖相都好靓。有气果汁渗住玫瑰花香都几特别，几好饮。主菜我地分别拣左一个牛、一个羊试下。个牛煎得超香，同埋本身肉质好，超好味😋😋 下次一定 encore。羊架做左层宝云苏，外层脆身，内里肉嫩，都唔错。配菜有薯角、芦笋、草菇、烤蕃茄，都整得几好味。嘢食好味，饮品唔错，又有得玩，唔错唔错。