De België (已搬遷) 新店位置

今次系我第二次黎呢间比利时菜，钟意呢度嘅原因只有一个，就系餐厅嘅气氛。每晚都会有好多外国人坐喺餐厅外边，order杯啤酒就坐足成晚。星期四咁热闹真系喺中环先会见到。 重要嘅系呢度啲嘢食真系唔错，而且可以品尝到咁多款唔同嘅比利时啤酒，格外开心。 叫咗一杯Celis White (Draught), 浓度唔系好高，好适合女仔饮。上边有一层厚厚嘅泡沫，入口清新带有荔枝果香味，入口容易而不苦不涩。 除咗啤酒之外，呢度都有好多mocktail 同其他无酒精饮品。Mixed Berries Smoothie 系其中之一， 莓味唔系好重，但入口幼滑，解渴之选。 前菜分别系 八爪鱼薯仔同埋虾仁酿蕃茄。 八爪鱼辣辣地口感烟韧，配薯仔食配搭一流，系好好嘅助酒食品。番茄入面嘅虾仁好弹牙，酱汁好creamy ，有啲似千岛酱同忌廉混合，好好味。 呢度嘅卖点之一就系呢兜青口， 今次选择咗啤酒味。 青口好大只，塞满成个煲。每只青口含有啖啖嘅啤酒香，口感弹牙新鲜。 而啤酒更能带出青口嘅鲜味。 青口配搭咗炸薯条，薯条新鲜，系新薯炸出嚟嘅，盐度落得刚好。加上特色沙律酱，口感味道一流。 再来一个地中海海鲜意粉，哈哈，估唔