花花世界. (已結業)

又系同我老婆揾食嘅时间喇, 今日由佢发板要求黎呢间"花花世界", 好明显佢比D 花花吸引左啦。 一入到去我仲以为去左花墟咁, 不过老婆就大爱, 又影相又打卡咁, 哈哈, 氹女友就一流喇。呢度嘅单点价钱中中庭庭啦, 我地冇特别叫午餐但都有餐汤送, 不错!先讲返个松露带子杂菌意大利饭 $152, 份量多又好大碟, 松露味唔算重 反而忌廉感觉重一点, 饭嘅质地有一丁点实, 唔系煮到淋晒𠮶种,最后都食唔晒。另外香煎比目鱼配玫瑰香槟汁- 个皮煎到脆卜卜, 鱼肉好滑,但味就普通唔算重味。配薯菜, 有三件半个mini size 嘅薯仔,反而呢个香牛油同香草味, 好好食。最特别要一提就系伴碟呢个玫瑰花汁, 虽然系甜嘅, 玫瑰花味好浓郁但都好fresh,用黎配沙律菜系我未试过的味道, 好夹同好好食, 咁样避左一般沙律菜嘅苦, 我连鱼肉都忍唔住点下佢。黎到玫瑰餐厅梗系要叫佢玫瑰咖啡试下啦, 果然一流, 玫瑰香味同咖啡味刚刚平衡, 唔会得个甜字。另外一杯簿荷朱古力 就无乜朱古力味, 争少少。整体黎讲环境真系一百分, 带女仔去就一定会好满意, 老婆大人食咁耐就笑咁耐...