I Love 戟 - 日式班戟專門店 (已搬遷) 新店位置

之前见到报导有介绍太安楼的班戟店，咁啱今日经过就去即试！班戟有好多种唔同嘅配料同味道选择， 咸或者甜嘅都有，但到最尾我都系忍唔住叫咗招牌的焦糖炖蛋雪糕班戟。雪糕有几款可以拣，我就拣咗小店嘅豆腐味雪糕，之后等咗大约五分钟就有得食。新鲜即制的班戟皮，加上香脆嘅焦糖炖蛋，我食咗第一啖之后已经停唔到口！豆腐雪糕嘅豆腐味香浓，亦唔会太甜，同焦糖炖蛋真系出奇地夹！食嘅时候，我会建议食一啖炖蛋，一啖雪糕，咁样食到最下面的时候就冇咁单调。