紅茶冰室

营业中

休息中

我成日都觉得，午餐同晚餐中间嘅「下午茶时间」其实系多余嘅，因为个肚根本唔饿，想食嘢都只系口痕，又或者系「为食」。无错，我为食，我认。 下午茶时间，最邪恶莫过于食西多！不过，有一日经过荃湾，我唔觉得试咗一件由出生到宜家，食完之后感觉最内疚嘅西多——流心芝士西多！ 西多已经够晒肥，真系无谂过会有「流心芝士西多」咁绝，香港地，真系想唔肥都好难！ 你睇下，西多炸到金黄，上面仲放咗一块牛油同埋炼奶……一边等我切，牛油就一边溶，件西多真系够新鲜，坚邪恶！一切开，冇咩嘢流出，估计系我呢件做得唔够流心，不过，闻到芝士味真系几香！ 金黄嘅西多，外脆内软，食落有蛋香，甜甜哋；中间嘅芝士入口软浓，有些少咸味，不过其实芝士味唔多浓，但系少少流心，同埋啲牛油混合一齐食，切开细细嚿，慢慢食，其实几滋味。感觉反而无就咁食西多士咁腻呢！