樂園

营业中

休息中

上次星期日嚟到摸门钉，今次星期五再战。一点几嚟到已经坐满晒，要等一等位，好彩等咗5分钟就有位啦。等位期间可以喺门口睇吓餐牌先，入到去楚就可以即刻嗌嘢食。今次我同朋友已经食咗少少野黎，所以我哋嗌咗啲嘢食一齐分享。见到有唔少人推介呢个沙嗲牛肉西多，梗系要嗌返个试吓。另外仲嗌咗个辣菜蒲肉碎煎蛋饭，同埋奶茶红豆冰。沙嗲牛肉西多非常非常邪恶，西多士炸到个面包外脆内软非常松化，入边夹住嘅沙嗲牛肉分布非常平均，咸咸甜甜非常好味，配上一啖嘅奶茶红豆冰，完全达到消暑作用，天气热食炸嘢都唔觉得辛苦。而家菜圃炒蛋亦都非常之香口，分量配搭非常之合适，白饭煮得粒粒分明，亦都有适量配菜食落唔会觉得太油腻。朋友最后话杯红豆冰太好饮要再encore，咁我哋就试吓咖啡红豆冰，咖啡味道稍为清淡，但系红豆煮得非常之棉，仍然系一杯靓红豆冰。系好地道嘅熟食中心格局，喺香港买少见少，值得珍惜呢种地道风情。