Safety Stop (已結業)

行开去到西区，本来想食羊，但系朋友想食西餐，见到附近有呢间，价钱都ok，去。环境 ~ 坐得舒服，气氛轻松，好。服务 ~ 先问要唔要house wine，我地唔要，见我地好热，推介Smoother，因为天气热，要咗两杯。薄荷朱古力~小甜，薄荷味比较淡，都ok。Berry Smoother ~ 因为系用杂梅，支饮管都粗啲，朋友话几ok。主菜附送餐汤，咖啡。先来个汤甘笋忌廉汤 ~ 忌廉不多，与甘笋汁配合，两种味都可以尝到，正。好多时要呢样多，𠮶样多，冇咗平衡，反而唔好食。主菜罗勒西班牙肠扁面 ~ 食得出用新鲜蕃茄煮汁，同罗勒及西班牙肠炒扁面，味道好，可惜扁面煮得未够，都几好啦。(好似系)芥末保云酥焗羊架 ~ 羊味淡，肉比较"un"，带小小苦，不过，伴碟沙律好爽脆。咖啡 ~ 香，都算滑，苦味少，(部咖啡机功劳)，正。要多件苹果肉桂芝士蛋糕 有苹果粒，肉桂味比较少，普普通通啦。跟住见到有人入来要"猫屎咖啡"($220/一杯)，好似好吸引，下次先试。似乎呢间卖啲咖啡比较正。