錦麗 (形點 II) (裝修中)

今日同朋友赶时间想食个快饭，汤粉系不错嘅选择。餐厅采用自助落单，方便侍应生亦都方便到客人，自助落单程式有齐特别要求例如走葱走洋葱走芽菜之类，我依啲麻烦客人就可以自己慢慢拣😂由于综合粉有齐生牛肉、熟牛肉同埋牛丸，而且同牛丸粉只系差两蚊！所以我拣咗试齐三样嘢～唔知系咪因为熟牛肉系牛腩嘅关系，个汤底相对油好多😢 好快已经有好济嘅感觉 而且两款牛肉都比较鞋，好普通嘅水准。下次都系唔好贪心，叫返牛丸算啦。另外餐厅嘅配料系喺一个小柜𠮶度拎出嚟，职员应该一早已经分好左芽菜同香料，但系芽菜放得太耐已经有啡色，见到都唔太想放落个汤度，最后我都选择唔食芽菜好过😤收费方面都几贵，依个要$72，而且系冇跟餐冇饮品嘅。