野玩田店 (已搬遷) 新店位置

圣诞新年，每日都都大鱼大肉，打边炉烧烤，样样齐，真系要食清啲，Detox下。明查暗访之下，揾到尖沙咀K11 Natural嘅野玩田店Something Wild The Farm，主打健康路线，听闻仲自家种迷你菜，加入菜式当中。餐厅以木系同绿草为主调，充满田园气息。去到餐厅门口，即刻见到一排排自家种嘅紫芥兰头，仲分唔同日子。店员话佢哋会用呢啲迷你菜嚟煮食，认真系最新鲜。面包篮面包篮内有饼干条同面包。面包好软熟，好香芝麻同蜜糖味，饼干条非常香脆。烧焗本地黑毛猪鞍架 (12oz) 及扒菠萝配烧汁我哋叫咗精选本地农场系列嘅本地黑毛猪鞍架，非常厚身。切落去嘅时候，肉汁不断流岀嚟，鲜嫩多汁。黑毛猪无咩加腌料，入口食得出黑毛猪本身嘅肉味，一啲都唔韧，加埋烧菠萝，清新香甜，正。烟三文鱼阔条手造意大利面手造阔条面入口弹牙，挂起晒啲蕃茄酱。加埋烟三文鱼同蕃茄肉，真系好开胃。牛油炒栗子剥晒壳嘅栗子，粒粒都好大粒，入口仲有轻轻牛油味，唔错。巴黎汁焗时蔬话明系健康餐，呢碟巴黎汁焗时蔬非常丰富，有唔同颜色嘅蔬菜，有西兰花、紫椰菜、椰菜花、粟米仔、青瓜、露笋等。蔬菜新鲜焗起，吸收晒巴黎汁嘅精华，加埋芝士好惹味。