富山和食料理屋 (已結業)

o岩o岩个星期６同屋企人夜晚去o左呢度食，６点度已经去到，因为成日经过都见好多人等位．．．个香草海鲜天使面好正！好香～连我个对意粉麻麻o既老豆都赞好食！又试o左新menu o既海鲜焗饭，劲多芝士，Wow～～～好正！！！叫o左个３品刺身，三文鱼都几新鲜，虾都好甜，但个吞拿鱼劲细旧，得一块三文鱼刺身o既１／３，有点儿离谱．．．石锅汤豆腐就冇乜特别．．．听朋友讲过个清酒煮蚬几好食，蚬肉好清，酒味就浓ｄ，咪叫个试下，唔知佢今次系咪落酒落得重手得滞，太浓喇．．．觉得唔系咁好食．．．仲有同我阿妹每人叫o左杯活乳酸果汁（士多啤梨＆芒果），２只都几好饮，不过本人钟意士多啤梨多ｄ！