影片
更多
2018-09-02
86 浏览
呢日个个都有街出，得返我同老妈子两个系屋企，我地索性就决定两母子撑枱脚，系附近食返餐。呢间泰星汇就系葵涌运动场隔离，过条马路就到。店内似有家庭式经营既感觉，四周墙上都挂住满有泰国特色既画。餐牌选择都好多，另外仲有晚市套餐，实惠得黎又满足有选择困难症既我地。我地一共叫左套餐C再外加一道青芒果皮蛋沙律。先黎既二选一，我地拣左冬荫公海鲜汤，黎到泰国餐厅点会唔叫最有泰国特色既冬荫公汤？！汤呈鲜红色，入面煮满各种香叶，内有大鲜虾同鲜鱿等海鲜，食落先系浓郁既香叶味，然后系辣，最后才带出酸味。青芒果皮蛋沙律。老妈子点名要食既一道菜，连我自己之前都未食过。作为一款泰式沙律，少不得既系佢甜甜酸酸既感觉。带有青涩味既青芒果丝夹住皮蛋一齐食，清新得黎又有皮蛋既厚感。马拉盏炒通菜。亦都系一道特登点比老妈子既一道菜，蒜香、干虾、辣椒等炒成一碟，唔会好辣，妈妈级数都食得到，十分惹味。肉碎生菜包。用生菜将满满既肉碎包住，再一次过摆入口，微辣既肉粒同清爽既生菜一齐食，令整道菜都唔会咁腻，可以不继咁食。泰式炒金边粉。主要既配料有大虾、蛋丝、芽菜等。主要味道偏向酸酸甜甜，味道不俗而且份量十分之多，最后食到饱到上喉咙仍然有
呢间泰星汇就系葵涌运动场隔离，过条马路就到。店内似有家庭式经营既感觉，四周墙上都挂住满有泰国特色既画。
餐牌选择都好多，另外仲有晚市套餐，实惠得黎又满足有选择困难症既我地。我地一共叫左套餐C再外加一道青芒果皮蛋沙律。
先黎既二选一，我地拣左冬荫公海鲜汤，黎到泰国餐厅点会唔叫最有泰国特色既冬荫公汤？！汤呈鲜红色，入面煮满各种香叶，内有大鲜虾同鲜鱿等海鲜，食落先系浓郁既香叶味，然后系辣，最后才带出酸味。
青芒果皮蛋沙律。老妈子点名要食既一道菜，连我自己之前都未食过。作为一款泰式沙律，少不得既系佢甜甜酸酸既感觉。带有青涩味既青芒果丝夹住皮蛋一齐食，清新得黎又有皮蛋既厚感。
马拉盏炒通菜。亦都系一道特登点比老妈子既一道菜，蒜香、干虾、辣椒等炒成一碟，唔会好辣，妈妈级数都食得到，十分惹味。
肉碎生菜包。用生菜将满满既肉碎包住，再一次过摆入口，微辣既肉粒同清爽既生菜一齐食，令整道菜都唔会咁腻，可以不继咁食。
泰式炒金边粉。主要既配料有大虾、蛋丝、芽菜等。主要味道偏向酸酸甜甜，味道不俗而且份量十分之多，最后食到饱到上喉咙仍然有食净。
整体而言，食物质素很不错，价钱亦好平民，下次应该约埋一大班人食，可以点更多菜式一齐share。
张贴
