長江海鮮酒家 (已結業)

呢间酒楼比较古怪，喺佢门口有一间叫简单厨房嘅茶餐厅，再行入去先系酒楼嘅部份。睇佢嘅食评，无论食物质素定服务质素，都一直为人垢病。除咗酒楼同茶餐厅，呢间长江亦都有外卖自取嘅服务，无论炒粉面饭，定晚饭小菜，都可以打定电话落嚟，叫咗之后落嚟拎，唔驶等咁耐。今日叫咗一个榄菜莲藕炒爽肉，配埋一个例汤同埋一碗白饭，盛惠$48。讲真呢个价钱，有酒楼煮出嚟啲𩠌仲连埋汤，都唔算贵。个𩠌其实好入味，但传承一般酒楼嘅作风，味道系相对较浓小小的，莲藕好爽口，爽肉够入味，要挑剔嘅系佢比较油少少唔想煮饭嘅话，耐唔耐叫一次呢个小菜，其实都几方便。