紫荊閣 (已結業)

呢排成日都食日本嘢同韩国菜，舌头突然好挂住中菜。今晚不如就饮啖汤，炒几个𩠌吧！大家唔好误会，我A姐唔系下厨呀。想食我煮嘅嘢，无咁易。就系因为咁，我哋就去咗红磡Hotel Sav逸•酒店一楼嘅紫荆阁。去到先知叫化鸡要预订，下次先有得食。最后，有选择困难症嘅我哋，就叫咗二人套餐，唔洗谂。厨师靓汤M佬一向都好钟意饮汤，尤其系老火汤。是日厨师靓汤系金银菜猪肺汤，一打开𠮶盖就见到好多料，一啲都唔马虎。明显无加味精，原汁原味，认真推介。姜葱霸皇鸡 (半只)一嚟到就见到成碟都系姜葱，好香呀！半只鸡都Okay大只，份量十足。入口肉质嫩滑，配埋香葱同姜丝，真系好惹味。蟹肉蛋白炒鱼肚呢个绝对系赛磅蟹嘅变奏版，油泡蛋白加上丝丝蟹肉、鱼肚同蟹籽，口感丰富，捞饭一流。上汤浸时菜炒菜比较油，上汤浸就啱晒我A姐。菜心爽甜，加埋上汤同蒜头嘅味道，真系又好味又健康！是日糖水套餐仲附送精选糖水，呢个麦米粥好足料，啖啖都有麦米，而且一啲都唔甜，非常健康。呢个二人餐，试业7折后，都系$438，真系几抵。即日至9月28日，星期一至四晚市，仲免收加一。想紧贴A姐M佬嘅吃喝玩乐资讯，快啲Follow埋下面嘅Channel啦！