樂園素食

营业中

休息中

岩岩有朋友约我食饭，不过佢食素既，正头痛去边到食好（大家都知素菜平时都比较贵），我又大食，好在咁岩系网上见到，系铜锣湾 Tower535 开左间素食自助餐 乐园素食，任食价钱又大众化，咁就即时Book 定位去试下。乐园素食在 Tower 535 地库，地方好大，装修好新式，就好似系酒店入面食自助餐一样，好岩年青人帮亲。老板见我地第一次去，仲特别介绍一番，招待得好好，好有家既感觉，我平时少食开素菜，都被他感染到开始爱上素食。卫生方面又系满分，攞食食除左要带口罩外，仲要带胶手套，超级卫生。过百种菜式，咕噜肉、鲍鱼都系招牌名菜。饮品有豆浆，多种热饮，即磨咖啡(真系同大酒店有得比) ，另外还有多种甜品，仲要样样都咁好味，真系难得。我超钟意食佢地既寿司，老板见我系咁食寿司，又过来话我知，原来整寿司既系以前有名既日本料理师傅，超级推介。另外Pizza 都系我另一最爱。另一推介就系佢地既串烧，晚上供应。好少有自助餐有咁多款式，我念要起码三次才能试晒全部野食。很难得的一间满分餐厅。