影片
更多
2024-10-09
1160 浏览
做完嘢跟大队到Rosewood嘅瑰丽冰室Holt’s Café简单食个lunch，楼底高，装修华丽带摩登复古风，今日天气凉凉哋，我哋拣咗坐户外位置，可以饱览尖沙咀城市景色。冰室灵感源自茶餐厅文化，一页纸menu都几多款，中式、西式、烧味都有齐，大家各自叫自私食，我见到厨师精选推介有干炒和牛河，都有啲想试，最后决定叫神级叉烧饭，就一于试吓佢有几神。店员奉上面包篮，每人都会有法包及甜包，法包外脆内烟靭，钟意搽大量软牛油嚟食。✥ 神级叉烧饭 $298叫得神级就一定有啲期望，选用高质食材，叉烧用上西班牙黑毛猪梅头肉，唔系半肥瘦，切得有厚度，入口微带焦香蜜汁味，肉质软腍到不得了，有肉汁够juicy，系好腍同好味嘅，但就失去咗传统叉烧𠮶种半肥瘦，𠮶种甘香爽口肥膏位嘅口感。用日本有机蛋煎成荷包蛋，蛋黄流心加少少㶶边几香口，再加两条菜远，正常发挥啦。选用山形大米做葱油饭，粒粒饱满，好钟意日本珍珠米饭嘅烟韧口感，配古方秘制陈年酱油，再捞埋蛋汁一齐食，惹味开胃，我成碗饭食晒，细食嘅亦可以叫少饭。✥ 芝士鲜茄焗猪扒饭煎蛋 $290✥ whisky on the rock嚟得酒店食茶餐厅都预咗价钱会贵一截，当
冰室灵感源自茶餐厅文化，一页纸menu都几多款，中式、西式、烧味都有齐，大家各自叫自私食，我见到厨师精选推介有干炒和牛河，都有啲想试，最后决定叫神级叉烧饭，就一于试吓佢有几神。
店员奉上面包篮，每人都会有法包及甜包，法包外脆内烟靭，钟意搽大量软牛油嚟食。
神级叉烧饭
128 浏览
1 赞好
0 留言
✥ 神级叉烧饭 $298叫得神级就一定有啲期望，选用高质食材，叉烧用上西班牙黑毛猪梅头肉，唔系半肥瘦，切得有厚度，入口微带焦香蜜汁味，肉质软腍到不得了，有肉汁够juicy，系好腍同好味嘅，但就失去咗传统叉烧𠮶种半肥瘦，𠮶种甘香爽口肥膏位嘅口感。
用日本有机蛋煎成荷包蛋，蛋黄流心加少少㶶边几香口，再加两条菜远，正常发挥啦。
选用山形大米做葱油饭，粒粒饱满，好钟意日本珍珠米饭嘅烟韧口感，配古方秘制陈年酱油，再捞埋蛋汁一齐食，惹味开胃，我成碗饭食晒，细食嘅亦可以叫少饭。
✥ 芝士鲜茄焗猪扒饭煎蛋 $290✥ whisky on the rock
嚟得酒店食茶餐厅都预咗价钱会贵一截，当然亦会有相应嘅期望，除咗食物质素，都会睇埋环境同服务，三百蚊一个叉烧饭系高质嘅，至于值唔值得试，就见仁见智喇。
#Holt‘s Cafe地址：尖沙咀梳士巴利道18号香港瑰丽酒店2楼
张贴
