影片
更多
2023-04-27
1122 浏览
今天 经过旺角见到伦敦酒楼，因为平日都见到佢的老板上电视接受访问，所以便上去饮过下午茶，时间差不多二时了，都仲有很多茶客。不过等了不用5分钟就取到位。因为初次上来，不知道枱的位置，想 尝试问过酒楼 侍应，点知佢 唔瞅唔睬你，算啦， 自己去揾位坐。到想举手问 侍应取辣椒酱， 佢又唔睬你， 要叫个第二个侍应先至有反应。啲点心姐姐推啲点心出来卖，冇得用点心纸自己去点。啲点心车又冇标示买什么点心，每次都耍问下姐姐，真系有些烦。 啲点心买嚟买去都系𠮶几款，想食多不同款式都不可以。又话大，中，小点每款$28元， 点知原来排骨是33元， 叫了先至知道中招。问侍应佢话不是样样都会28元。佢又冇牌话俾人听边啲先至系大中小点。叫个侍应加水，佢都唔愿意去做咁。到食饱去了柜枱埋单，我问佢想取回张单，点知佢大大声声话张单不是佢负责，叫我问侍应取。我想取回张单睇下佢有无计错数，点知都不可以。 今时今日咁嘅服务态度，点解仲可以生存咁耐。 冇问题，我以后都唔会再帮衬这间伦敦酒楼，我觉得系佢的损失啰
张贴