利寶閣 (已結業)

琴晚放工系时代广场楼下打电话问有冇位，店员话有几个人等，唔多，可以来等位。5分钟后我同朋友就到，发现其实冇人等。落座后，落单落左15分钟都冇搞定，因为佢地好忙，落时话我地知烤鸭冇，羊腩冇，唯有重新再睇过，落左图片睇起来好味的几味。结果，上来后，差距相当远，我地以为自己失误左一味𩠌，点知后面几味一样茶餐厅水准。200多蚊鲍鱼鸡煲，得4粒小鲍鱼同10快细鸡件，问店员，佢话罐头鲍鱼好贵，同埋一改之前笑容，答一句就唔睬我地。食完埋单，又系10分钟先有一个男经理睬我地，话好，之后行开，再冇出现，当时只剩5或6台，又等10分钟终于女经理比我地买，结果比完我发现有酸菜20蚊，我地冇见到咩酸菜，好唔容易叫到一个侍应，反问我地，系花生，一坐落就有，我话我地冇，比你睇图片。佢话好，帮你退，又等15分钟。同埋，睇到水晶灯上吊满灰尘吊吊，好惊吹落碗。总之，除左上菜阿姐服务好好之外，其他，难以恭维，唔明点解分店多，客都唔少