Croissant Taiyaki

营业中

休息中

依个鲷鱼烧嘅皮系酥皮做嘅，所以食起上嚟就有少少似系食紧牛角包，薄薄一块，口感都几酥脆，仲有少少焦糖嘅味道，几香口！虽然有馅嘅地方口感稍微冇咁脆，不过整体都冇太大嘅影响。钟意食牛角包嘅朋友应该都会钟意依款鲷鱼烧！朱古力味几香的，不会过甜或太漏，吉士打馅嘅奶香味几浓，红豆馅个人就认为偏甜左少少，抹茶口味暂时未试过，但前三者入面，我个人比较钟意朱古力味！依度冇提供任何枱或櫈，但都系建议大家买左之后尽快食，或者返屋企之后将鲷鱼烧放入焗炉/气炸锅翻热，因为鲷鱼烧冻左嘅口感会冇咁好食。