廢茶 (葵涌廣場) (已結業)

36度嘅高温下，行阵街已经身水身汗又口渴，呢个时候饮返杯冻饮就最适合不过，来到了葵涌广场，花多眼乱下选择左呢间「废茶」。餐厅以「废」字做主题，再配埋树懒做吉祥物，感觉真系好悠闲。废事谂奶茶 :呢杯奶茶由餐厅随机选择茶底，啱晒喜爱惊喜嘅我，除左有珍珠之外，仲有埋仙草，真系一次过满足晒三个愿望，奶茶茶味香浓，入口够晒滑，珍珠加仙草一韧一软嘅配搭，令口感更加特别。英式伯爵红茶 :喜爱Earl grey嘅朋友，拣咗呢杯伯爵红茶再加椰果，伯爵红茶入口好香，清清地配埋微甜嘅椰果，系炎夏之下饮真系份外清凉。