餃子園

营业中

休息中

同同事去饺子园食饺子。虽然隔离排晒长龙，但饺子园都系同平时一样，入到去即刻有位。👍坐低叫左个蕃茄鸡蛋饺转酸辣汤底，黎左个白菜饺。算啦，😌白菜饺都好食，就照食啦。首先讲下个环境先。其实同普通面店一样，比较迫。餐具有少少唔干净。原本每人比左一只碗，我地无用到只碗啦，但佢之后居然无问我地，就咁攞左只碗去其他枱。真系有啲啼笑皆非，佢究竟有几唔够碗用？😂😂落左单无耐就上菜啦。👍酸辣汤底好正😋，好足料，少少辣，我呢啲食唔到辣嘅人都可以食到，👍钟意食辣嘅人可能就要失望啦。😌饺子都有好多，💕多到食到中间我已经唔记得要数。饺子馅都好足料，咬落啖啖肉，白菜切得细细，食落爽口，同平时食开淋身嘅白菜感觉好唔同。净系食饺同饮汤都够饱。👍虽然足料又好食，但鉴于价钱较贵同环境、服务普通，所以我都系比中评嘅🙈。有机会会再黎食。