影片
更多
2014-08-25
93 浏览
落吧、饮酒一向唔喺小弟强项，但对左沟右沟嘅cocktail或monktail会有份好奇。或许，落吧俾人第一个印象就喺饮酒，其实，依家啲酒吧晌食物上都下咗唔少苦功。继早前跟朋友入到大埔嘅Prime Bar，今晚再次同朋友嚟到Mini Club狂欢一下 。位处山林道近尾嘅Mini Club，门面好宽阔，一眼就认出。店内地方颇大，近窗位置，都喺高脚枱櫈，可透视街外景致；而其他坐位，跟一般餐厅无疑，所以，晌度饮酒用餐都无问题。而墙上挂有好多怀旧美式嘅「铁片」海报，让人目不睱给，配合埋柔和昏暗嘅灯光，一派悠闲写意嘅气氛 。空肚饮酒好伤胃，所以店家准备咗多款小食，但估唔到形形式式竟然有16款之多，有冷有热，大路嘅有炸薯条、鸡翼、炸鱼柳、沙律……等等，但不乏多款特色小食，如鲍片、皮蛋、粟米脆片、牛柳粒……等等 ，定价都只不过喺$42-$88，而且份量可比想像中多。此外，加插3款薄饼，想食啲饱肚嘢都无问题，不过，因为没有试到薄饼，质素就未知喺点，但就可以肯定比薄饼店还要划算，难每款都只不过卖$118。另外，亦有意粉及意大利饭可供选择。 日式芥末厚切鲍片 $58 其实见佢小食有个厚切鲍片已觉
位处山林道近尾嘅Mini Club，门面好宽阔，一眼就认出。店内地方颇大，近窗位置，都喺高脚枱櫈，可透视街外景致；而其他坐位，跟一般餐厅无疑，所以，晌度饮酒用餐都无问题。而墙上挂有好多怀旧美式嘅「铁片」海报，让人目不睱给，配合埋柔和昏暗嘅灯光，一派悠闲写意嘅气氛 。
空肚饮酒好伤胃，所以店家准备咗多款小食，但估唔到形形式式竟然有16款之多，有冷有热，大路嘅有炸薯条、鸡翼、炸鱼柳、沙律……等等，但不乏多款特色小食，如鲍片、皮蛋、粟米脆片、牛柳粒……等等 ，定价都只不过喺$42-$88，而且份量可比想像中多。
此外，加插3款薄饼，想食啲饱肚嘢都无问题，不过，因为没有试到薄饼，质素就未知喺点，但就可以肯定比薄饼店还要划算，难每款都只不过卖$118。另外，亦有意粉及意大利饭可供选择。
日式芥末厚切鲍片 $58 其实见佢小食有个厚切鲍片已觉得好搞鬼，鲍片以冰镇方式处理，但为保持卫生，冰碎上包有保鲜纸。以$58依个价钱，鲍片喺素鲍吧？但咬落柔韧有咬口，蘸点日本芥辣及酱油，口感又凉凉爽爽，都算得上不俗嘅冷盘小食 。
芝士焗肉酱伴粟米脆片 $88 份粟米脆片做得几好，不过真喺要趁快食，咪谂住慢慢叹。芝士拼肉酱本身已香味浓郁，配合粟米脆片嘅硬脆，惹味小食之一。而粟米脆片上有一小撮加咗意大利黑醋嘅沙律菜，作中和之用，喺做菜心思嘅一部份。每客粟米脆片仲伴一小篮法式焗蒜蓉包，蒜蓉包富蒜蓉及牛油香，热辣松脆，好味 ！
炸鱼柳伴薯条配沙律菜 $88 鱼柳睇嚟炸得比较深色，还幸未有过㶶。鱼柳入口外层极之松脆，一咬咔嚓应声裂开，不油腻，鱼肉亦都嫩滑味美；薯条伴有茄汁及沙律酱，沙律菜涂有意大利黑醋，眨吓眼，大家就极速搞掂碟炸鱼柳伴薯，因为实在惹味吸引 。
晌小食送上之时，我哋嘅嘢饮都陆续送上。酒嘅款式实在多，香槟、餐酒、烈酒、鸡尾酒、汽水果汁……一应俱全。基本嘅鸡尾酒本身已多达40多款，仲有一系列特色鸡尾酒。
Mini (Special) $108依杯认真喺天使嘅外表，魔鬼嘅内涵，卖相似极一杯奶昔，最抵死仲加两条卷心饼及彩色朱古力碎糖，但以百利甜酒、香蕉肉、蛋黄酒、牛奶、菠萝汁和糖浆沟成，就唔可以以奶昔看代。香蕉及奶味颇突出，口感比较杰身，又确有几分饮奶昔嘅感觉，但慢慢酒精随饮晒成杯而出 。
NaMi $108 苹果绿嘅NaMi，未饮卖相已好吸引，从电子餐牌所见，成份包括蓝色柑橘酒、毡酒、凤梨汁、茴香酒及糖浆，味道有啲复杂，饮落起初有份清爽，入口酒精度唔觉得乜嘢，原来友人话绝对唔好睇少佢，唔觉唔觉感受到酒精嘅力量 。
Mint Punch $68 无酒精类别饮品，绝对清凉健康，因为只喺以薄荷糖浆、橙汁、菠萝汁及梳打水做成，解渴透心。
除咗小食、饮酒，Mini Club仲有多款大盘，绝对可以晌度当食一餐饭，食饱先走。其实，晌街口已见佢有个易拉架做紧依个特别推广，6只生蚝或另外4款拼盘，加枝红、白餐酒，都只喺$368 + 10%。不过，以上嘅生蚝（$122 / 4只）或拼盘，亦有散叫。
海鲜拼盘 $238 哗！哗！哗！一上枱大家嘅自然反应，的确份海鲜拼盘份量十足，有睇头，餐牌已写明包括波士顿熟龙虾（半只）、法国瞓觉蟹（半只）、法国蓝青口（6只）、加拿大翡翠螺（3只）、熟虾（3只）及车厘石蚬（1只），全部冰镇上枱，晌炎夏睇见都凉快 。开边波士顿熟龙虾虾肉鲜爽，瞓觉蟹蟹膏颇多，香滑滋味，蓝青口味道一般，反而翡翠螺爽口鲜甜，熟虾普普通通，而车厘石蚬只得一只，拱手让友人品尝 。
巴马火腿、芝士拼盘 $238 同样晌餐牌列明包括有咩食材，童叟无欺，当中包括巴马火腿（3片）、黑毛猪辣肠（3片）、灯笼肠（5粒）、金文拔芝士（3粒）、百丽芝士（3粒）、巴马臣芝士（3片）、全麦脆片（3片）和黑松露酱（10克），再伴以少少青瓜及沙律菜，似乎啲份量有多无少㖞。巴马火腿入口油润咸香，黑毛猪辣肠咸香带辣、灯笼肠味淡爽腍，几样都好适合佐酒；而几款芝士以巴马臣较熟悉，芝士味亦较浓，金文拔（Camembert）及百丽（Brie）则较少食，两者都软身啲，芝士味相对温和，配点全麦脆饼及黑松露酱，味道又真喺几正 ！
离开前，经理话5:30-8:30pm为欢乐时光，全单八折 ，既然咁笋，早少少埋单又何妨。整体而言，大部份小食或大菜都做得出色，定价唔贵，绝对食得过。不过，加埋饮酒就变得唔便宜，但偶尔抛开烦恼癫番晚，喺生活嘅调剂！多谢店方邀请，令我哋有晚欢乐时光 。
张贴
